Inubos nilang dalawa ang oras nila sa pag – iikot sa loob ng resort. Pakiramdam niya ay talagang totoong mag – nobyo at mag – nobya sila ni Ben. Lagi itong nakahawak sa kamay niya. Laging nakaalalay sa kanya. Hindi siya nito hinihiwalayan lalo nga itong naging malambing sa kanya ng dumating si Lucas at si Magda sa resort.
Gustong – gusto niyang lapitan at batukan ang kaibigan dahil sa nanunuksong tingin nito sa kanya.
“So? It’s Ben, ha? Kaya pala kahit kailan hindi mo ako magustuhan ‘yung better version ko pala ang gusto mo,” tila nang – aasar na sambit nito habang naliligo sila sa pool. Naroon lang sila sa gilid at napapanood nila ang isang grupo ng banda na tumutugtog sa hindi kalayuan. Naroon din si Ben sa may malapit sa bar at umoorder ng maiinom nila. Lumayo din muna ito pa
