Chapter 7
Kyle's Point of View
Hindi naging madali sa akin ang magpakumbaba at tanggalin ang mga naipong galit sa aking dibdib. Ngunit nang makita ko si Andrei na sumisinghap ng hangin, lumalaban para sa kaniyang buhay ay namayani yung takot sa dibdib ko sa maaring mangyari sa kaniya dahil sa kagagawan ko. Noon ay parang bigla na lang bumalik yung dating ako sa kaniya noong mga bata pa kami bago nangyari ang aksidenteng bumago ng aking pagkatao.
Kung alam lang niya kung gaano kalakas ang kabog ng aking dibdib nang magharap-harap kami ng girlfriend niya at pilit pinaaamin sa akin ang kasalanang hindi ko naman talaga itatangging ginawa ko. Nang una, kahit papaano ay naisip kong magdahilan. Gusto ko ding lumusot ngunit hindi ko kasi talaga ugali noon pa man ang magsinungaling at pagtakpan
