MAS PINILI kong matulog sa guestroom kaysa makasama si Spencer sa iisang kuwarto. Hinayaan ko na lang ito na matulog sa kuwarto ko at ako na lang ang kusang lumipat para hindi na kami magtalo pa, baka kasi marinig pa ni Lolo o kaya ng mga katulong sa mansyon.
Ang balak ko sanang pag-alis para puntahan si Axle ay hindi ko na itinuloy dahil baka marinig ni Lolo ang tunog ng kotse ko kung sakaling aalis ako nang palihim, at baka magduda pa 'yon kung saan ko pupunta ng dis-oras na ng gabi. Hindi rin naman ako puwedeng tumakas na lang basta dahil sarado ang gate at hindi ko naman kayang akyatin, mamaya mahulog pa ako kung sakaling pilitin ko. Kaya naman nagpadala na lang ako ng text message kay Axle na hindi ako makakarating, at pagkatapos nu'n ay pinatay ko na ang phone ko.
Nakatulog akong m
