Masungit at medyo may pagkamakasarili si Shawn. Halata naman sa trato niya sa amin kanina.
Pero hindi ko siya pwedeng husgahan dahil wala naman akong alam tungkol sa buhay niya.
Hindi ko alam ang totoong pagkatao niya at kung ano ang mga pinagdadaanan niya aa buhay.
Naniniwala naman ako na ang lahat ay may dahilan kung bakit may mga ugaling hindi maintindihan.
Hanggang sa umamin na nga siya sa amin. Ang dami niyang ideya tungkol sa mga incubus at nang marinig niya ang tungkol dito ay walang pagdadalawang isip niya kaming inasikaso.
Tinanggap niya ang paghingi ko ng tulong dahil may malalim siyang dahilan.
Hindi dahil naaawa siya sa akin at bukal sa loob niya ang kaniyang ginagawa.
Nagkaroon lang naman siya ng interes dahil siya ay may pinanghahawakang sama ng loob o mas mabuti
