"Elyse, umuwi na lang kaya tayo!" natatakot na wika ni Hydee at hinila-hila pa ang braso ko dahil halata namang wala siyang tiwala kay Shawn.
Pero dapat kong sumugal at wala na akong pagpipilian pa.
Ito lang ang alam kong paraan para matapos na itong kinakatakutan ko.
Natatakot ako na baka dumating sa punto naiisipin ng iba na nababaliw na ako.
"Hydee, kailangan kong tiwala sa kaniya… wala ng ibang paraan" pinal kong ani kaya hindi na siya kumontra pa.
Alam ko namang natatakot na siya kaya humingi ako ng pasensiya at inatasan siyang mauna nang bumalik sa bahay.
Ipagkakatiwala ko ngayon ang kaligtasan ko kay Shawn dahil sira na rin naman ang kinabukasan ko kung hindi ako nagbabakasakali.
"Hindi kita iiwan, Elyse. Alam ko naman na gagawin mo rin ito kapag sa akin 'to nangyari,"
