Hindi ako nagkamali dahil unang araw pa lang ay pinag-uusapan na nga ako ng mga kasamahan ko sa trabaho dahil sa kakaibang pagtrato sa akin ng boss namin.
Alam ko rin naman sa sarili ko na parang may mali talaga.
Hindi niya ako dapat binibigyan ng pabor at atensyon lalo pa at baguhan pa lang ako.
Nakakawala ng gana at hindi ko alam kung paano ko babawiin ang lakas na inipon ko kanina matapos akong mahimatay.
Maayos na sana kasi iyong pakiramdam ko. Pero nanlalambot na naman ako ngayon nang marinig ko ang dalawang nag-uusap na ako ang kanilang topic.
Humugot ako ng malalim na hininga at wala na akong choice kundi magpanggap na lang na parang walang narinig sa kanilang mga pinagsasabi.
Nagpanggap din ako na parang bulag at walang nakikita.
Na para bang hindi ko nakikita ang mapa
