Ayaw kong bigyan ng halaga ang kwento ngayon ng aking pinsan.
Pero ayaw ko ring balewalain ang sinabi niya dahil ayaw kong isipin niya na hindi ko binibigyan ng halaga ang mga nagbibigay sa kaniya ng interes.
Alam ko naman kasi na halos lahat ng ganap ko sa buhay ay binibigyan niya ng atensyon.
Siya ang pinakamabait na pinsan sa lahat at sa tingin ko ay wala ng makakahigit pa sa kaniya.
Habang nagpapaliwanag siya ngayon sa harapan ko.
Paulit-ulit lang at wala siyang bukang bibig kundi ang kagwapohan ng kapitbahay namin.
Tuloy ay napapaisip ako. Kung hinayaan ko kaya ang incubus na magkaroon ng sariling katawan.
Ano kaya ang itsura niya ngayon? Magiging gwapo kaya siya?
Kung nagpatuloy siya sa paghigop nang lakas ko. Baka nagkita na kami ngayon.
Maraming tanong sa isipan k
