"Kung ganoon, bakit mo pa rin ako hinanap?" tanong ko sa kaniya dahil sa kabila ng mga nangyari sa amin ay gusto niya pa rin akong makasama.
"Hindi ka pa ba nagsasawa?" dagdag kong tanong sa binata.
Gusto kong marinig ang dahilan niya kung bakit hindi siya nagsasawa sa paulit-ulit na nangyayari.
Kahit alam niyang may kapalit na parusa ang binibigay niyang pagtingin sa akin ay ginagawa niya pa rin.
Hinawakan niya ang mukha ko at dinama ko iyon.
Tinagilid ko ng kaunti ang aking ulo upang mas maramdaman ko ang pagdampi ng kaniyang palad sa aking pisngi.
"Dahil mahal kita, Elyse. Iyon lang naman ang dahilan at wala ng iba. Wala pa akong minahal na babae bukod sa iyo. Marami na akong dinalaw na babae sa panaginip ko dahil iyon lang ang paraan para mabuhay ako pero iba ka sa kanilang
