"Elyse, gumising ka na," natataranta na gising sa akin ng pinsan at halos mahulog na ako silya na inuupuan ko dahil sa kakayugyog niya sa akin.
Pagmulat ng aking mga mata ay mukha ng pinsan ko ang bumungad sa akin.
Ang lapit-lapit lang ng mukha naming dalawa. Halos isang dangkal na lang ang pagitan dahil sa pagsuri niya sa akin.
Nagtataka ko siyqng tiningnan dahil para na itong napapraning.
Binuka niya pa ang aking mga mata gamit ang kaniyang mga daliri kahit na nakita niyang nagmulat na ako ng aking paningin.
"Hydee, ano'ng ginagawa mo? Bubulagin mo ba ako?" reklamo ko sa kaniya at mabilis na hinawi ang kaniyang kamay.
"Nananaginip ka…" mahina niyang untag sa akin at may halong pagkakamangha. "E-elyse, 'yong mga mata mo," dagdag niyang ani at binigyan ako ng maiinom na tubig.
