“HUWAG mong isipin iyon, hindi naman natin alam kung ano ang talagang dahilan ng nanay mo kung bakit hindi ka na niya binalikan. Kahit marami siyang pagkukulang sa’yo alam ko naiisip ka parin niya,” si Myla sa tono na pinagsigla.
“Oo naman, no! Nasabi ko lang iyon kasi naisip ko siya. Pero syempre hindi porke naranasan ko ay gagawin ko narin sa anak ko. Kasi kahit sabihin mo pang ganoon ang ginawa sa akin ni Conrad, mahal ko parin itong anak namin,” aniya pa.
“Iyan naman ang gusto ko sa iyo. Palaging open ang puso mo sa pagpapatawad. Sana nga lang after ni Conrad ay magkaroon ka ulit ng chance na sumubok. Gusto kong makita kang masaya at may buong pamilya.”
Nginitian lang niya ang sinabing iyon ng kaibigan niya. Habang sa isip niya, wala naman siyang ibang gusto kundi ang isang buong pa
