“WALA ka ba talagang pagpapahalaga sa anak mo? Aba naman Conrad magta-tatlong buwan na mula nang makalabas ng ospital ang mag-ina mo at---,”
Agad na pinutol ni Conrad ang iba pang gusto sabihin ng kanyang ina. Hindi na niya gustong marinig ang mga sermon nito. Masaya na siya kasama si Joana bagaman wala siyang ibang nararamdaman na espesyal na damdamin para sa babae.
Natapos na ang teleseryeng pinagbibidahan nilang dalawa ni Joana at mayroon na naman silang bago. Kaya wala siyang makitang dahilan para ipagsiksikan ang sarili niya sa isang mahirap na babaeng katulad lang ni Monica.
“Hindi ko sila mag-ina! Ma, pinagdadamot niya sa akin ang batang iyon, edi isaksak niya ng maluwag sa baga niya! Akala ba niya kung sino siya para maghabol ako ng sobra? Tanga ba siya? Baka nakakalimutan ng ba
