NAKITA ni Monica ang pagkabigla sa magandang mukha ni Tina dahil sa sinabi niyang iyon. Pero hindi na rin naman siya nasorpresa tungkol doon dahil iyon din naman ang inasahan niya.
“Pero anak, mas maganda kung lalaki ang apo ng may isang buo at masayang pamilya,” giit nito na inabot ang kamay niya saka iyon pinisil.
Sa puntong iyon ay nabakas ni Monica sa tono ng pananalita ng ginang na totoo sa loob nito ang gusto nitong mangyari. At iyon din ang damdamin na nakita niya sa mga mata nito. Pero hindi pa rin siya nagpatinag doon.
Hindi iyon dahil sa katotohanan na may nangyari na sa kanila ni Jake.
Ang totoo, nasaktan lang talaga siya sa ginawa ni Conrad dahil minahal naman talaga niya noon ang lalaki. Siguro wala lang talaga siyang tiwala rito at iyon ang hindi niya makuhang ipaliwan
