HINDI nakapagsalita kaagad si Monica sa sinabing iyon ni Jake. Iyon ay dahil humaplos sa puso niya ang nakita niya naging reaksyon ng lalaki. At hindi niya maitatanggi na kinilig siya doon.
“Parang mas excited ka pa yata sa akin eh,” sa huli ay iyon na lamang ang piniling sabihin ni Monica para kahit paano ay hindi naman maging obvious kay Jake na kinikilig siya.
“Oo naman. Bakit ikaw ba hindi?” tanong-sagot sa kanya ng binata.
“Syempre excited ako. Naku bilisan mo na diyan at nang makabalik tayo kaagad. Ayoko namang isipin ni Myla na inaabuso ko ang kabaitan niya,” aniya pang mas piniling baguhin ang topic dahil iniisip niya at iniiwasan na baka kung saan pa iyon mapunta.
*****
“ANO nga palang plano mo sa binyag? I-imbitahan mo ba si Conrad?” tanong ni Jake sa kanya nang nasa byahe n
