“SERIOUSLY, Monica?” iyon ang natatawang tanong ni Jake saka binitiwan ang mukha niyang tapos na nitong tuyuin.
“Bakit, hindi ba? Hindi ka ba babaero?” ang naghahamon niyang tanong bagaman pabiro.
Nagkibit ng balikat nito si Jake saka saka binalikan ang kaninang kinauupuan nito kung saan naiwan ang kape ng binata.
“Well, hindi ko itatanggi iyan,” anito.
Tumawa doon si Monica. “Halos lahat naman kasi ng gwapo ay ganoon ang sakit eh, babaero. Parang ‘yung ex ko,” aniya.
“So ibig sabihin pala, gwapo ako sa paningin mo?” tanong ni Jake.
Ikinabigla ni Monica ang tanong na iyon ng binata.
Sa maraming pagkakataon talaga ay kailangan na niyang asahan kay Jake ang mga ganoong klase ng tanong nito. Mga tanong na nakakabigla at hindi niya inaasahan. Pero palagi ay nakakalimutan niya kahit kun
