MULA sa pagkakaupo sa harapan ng manibela sa loob ng kanyang kotse ay sinundan lang ng tingin ni Jake si Mang Kanor na diniinan ang doorbell sa may gate.
Ilang sandali pa at nakita niyang bumukas ang pintuan ng malaking bahay.
Ang nakita niyang magandang babae na iniluwa niyon ay sapat na para literal siyang matulala.
Hindi man malapitan pero masasabi niyang napakagandang babae niyon. At kahit pa kung tutuusin ay maraming sopistikadang babae na siyang nakasalamuha at nakilala noong siya ay nasa America pa, kailangan niyang aminin na iba ang hatak sa kanya ng isang ito. Kaya nga hindi narin siya nagtaka nang matagpuan na lamang niya ang kanyang sariling diniinan ang hazzard button ng sasakyan bago bumaba.
*****
“MANG Kanor, kayo po pala?” ang nakangiting pagbati ni Monica sa matandang
