“SA totoo lang may mga artista talagang sinungaling. Tingnan mo nalang iyang magaling na ex-boyfriend mo. Kung makainarte sa mga interviews niya sa TV akala mo kung sinong matinong tao. Samangtalang nagawa niyang talikuran ang sarili niyang dugo at laman,” komento ni Myla habang nanonood sila ng TV sa sala ng kanyang bahay.
Sakto kasing ininterview si Conrad noon sa huling bahagi ang news program na pinanonood nila. Kaya nagkaroon ng dahilan si Myla para magkamento.
“Ganoon talaga, mali ko din kasi naniwala ako sa mga sinabi niya,” aniyang hinaplos ng nakangiti ang impis parin niyang puson. “Darating ang araw pagsisisihan niyang itinakwil niya ang batang ito,” dugtong pa niya.
Noon hinawakan ni Myla ang kamay niya saka iyon pinisil.
“Nandito lang ako para sa’yo. Hindi kita iiwan kahit
