Saab’s POV
Bago ako pumasok kinabukasan ay dumaan na muna ako sa bahay ni Aling Lucing. Magbabayad na ako ng rent ko. Kakatok na lang ako ng makarinig ako ng parang pagtatalo sa loob at nasisiguro kong boses ni Aling Lucing at Freddy iyon.
“Nagpapakumbaba na siya sa iyo, Freddy. Patawarin mo na ang tatay mo. Matatanda na kami,” dama ko ang matinding pakiusap sa boses ni Aling Lucing.
“Wala naman akong ginagawa, ah. Wala na nga kayong naririnig sa akin kapag pumupunta dito ang lalaking iyon,” iyon naman ang sagot ni Freddy.
“Wala ka ngang ginagawa pero pinaparamdam mo naman sa kanya na galit ka sa kanya. Freddy, mahal na mahal ka ng tatay mo,” gusto kong maawa kay Aling Lucing. Parang nababasag na ang boses niya at paiyak na.
“’Nay, napakatagal ng panahon niya tayong inabandona.
