Saab’s POV
Napatingin ako sa relo na nakasabit sa dingding at nakita ko na pasado alas onse na ang oras na naroon. Inaantok na ako pero mukhang wala pang balak umalis dito sa Freddy Krueger. Wala naman akong maintindihan sa mga sinasabi niya. Basta ang alam ko lang dumating daw ang tatay na hindi niya nakilala.
“Nakikinig ka ba sa sinasabi ko?” siguro ay napansin ni Freddy na wala ang atensiyon ko sa mga sinasabi niya.
Napabuntong – hininga ako. “Eh kasi naman, wala naman akong maintindihan sa sinasabi mo. Paulit – ulit lang. Ang ending lang naman galit ka sa tatay mo,” sagot ko sa kanya.
“Pinabayaan niya kami, eh. Tapos ngayon babalik siya na parang walang nangyari. Ang nakakabuwisit pa parang okay lang sa nanay ko,” himutok pa niya.
“Bakit hindi kaya si Aling Lucing ang kaus
