Chapter 13
Jasmine
Matapos umuwi ang mag-asawa ay naiwan na lang kaming dalawa ni Mike. Ang sama ng loob ko ng mga oras na iyon.
''Ayaw mo talaga kumain?'' panigurado niyang tanong sa akin
at sumubo pa ito ng kanin. Umiling-iling na lang ako at hindi umimik.
''Puwes, kunin mo na ang gamit mo! Ihahatid na kita sa titirhan mo!'' galit niyang utos sa akin.
Napaawang ang aking mga labi dahil inaasahan ko na dito ako titira tabi niya, ‘yon pala ihahatid niya lang ako sa magiging tirahan ko? Hindi pa nga ako nakasagot ay nagsalita ulit siya.
''Ano? Tutunga-nga ka na lang ba riyan? Kilos na!'' bulyaw niya sa akin.
Agad naman akong tumayo at kinuha ang aking bag ko sa sala. Lumabas kami at lumabas sa gate. Dumaan kami sa madamong daanan madilim na ng mga oras na iyon at flaslight lang an
