NAKAUPO ang magkapatid na Cristina at Janna sa bangkong kahoy sa labas ng kanilang bahay. Habang si Harold naglalaro ng kaniyang kotse-kotsehan sa lupa. Masaya na may halong lungkot ang nadarama ng dalaga para sa kaniyang mga kapatid. Masaya kasi nakaka-bonding niya ang mga ito. Malungkot kasi hindi niya naiibigay ng maayos ang pangangailangan ng mga kapatid. Ngayon pa kasi siya nawalan ng trabaho kung kailan, kailangan na kailangan niya ito. Sa susunod na buwan pasukan na muli. Saan niyang kamay kukunin ang pambili ng gamit sa school ng mga kapatid? Kailangan siguro kumilos na siya. Bago pa man maubos ang laman ng kaniyang alkansiya.
“Ate, kailan tayo bibili ng mga gamit namin sa school? Sina Ate Liziel at Ate Lizlie kahapon binilhan na sila ni Aling Bhing. Ang gaganda ate, sabi ni Ate
