“LAYUAN mo si Alex, please. Nagmamakaawa ako sa ’yo. I’m pregnant!”
Hindi makapag-concentrate si Cristina sa paghuhugas ng mga plato sa karinderya. Pakiramdam ng dalaga nasa tabi lamang niya si Hanna umiiyak at nakikiuasap na layuan si Alex.
Pagharap niya sa lamesa na nagsisilbing lagayan ng mga gamit sa karinderya. Naro’n si Sarah at pinagmamasdan siya. Lumapit siya rito at kinuha ang dalang mga plato na hugasin. Bahagya pang nanginginig ang kaniyang mga kamay ng buhatin niya ’yon.
“Ano’ng problema? Mukhang may dinadaramdam ka?” nag-alalang tanong ng kaibigan. Tumabi ito sa kaniya sa lababo at handa siyang tulungan.
Umiling ang dalaga. “Wala.”
“’Sus, maloloko mo ang ’yong sarili. Pero ako hindi. May kinalaman ’yan do’n sa babaeng pumunta kanina sa ’yo, no? Ano’ng sinabi sa ’yo? I
