MASAYANG-MASAYA si Cristina habang pinapanood niya si Michael at Harold na naglalaro ng soccer sa playground kasama ang ibang batang lalaki. Panay-panay din ang palakpak ni Janna sa tabi ng dalaga at paminsan-minsan nitong chini-cheer ang kapatid.
Isang oras ang nakalipas masayang lumapit si Harold sa kanyang Ate Cristina na punong-puno ng pawis ang mukha. Kaya agad niya itong pinunasan at pinalitan ng malambot na sando.
“Masaya ka ba?” tanong ng binata. Nakalapit na rin ito sa kinaroroonan ng magkapatid. Habang ang ibang bata inaasikaso ng tatlong madre sa isang tabi.
“Opo Kuya Michael. Masayang-masaya po ako.” Nag-apir pa ito sa binata. At kinuha ang baso na may lamang tubig kay Janna. “Kuya, sa sunod basketball naman ang laruin natin. Masaya rin ’yon.”
“Oo ba. Gusto mo rin ’yon?
