HABANG sa biyahe hawak ng isang kamay ni Michael ang palad ng dalaga at ang isa naman mahigpit na nakahawak sa manibela. Paminsan-minsan dinadala pa niya ito sa kanyang labi para halikan.
Hindi naman maiwasan ni Cristina ang kiligin sa ipinapakitang sweetness sa kanya ng nobyo. Pakiramdam niya lagi siyang nasa cloud nine dahil sa ipinapadamang pagmamahal sa kanya ni Michael.
“Saan nga pala pumunta si Sir Bryan at Kate?” Nagtaka kasi siya kaninang umaga, ang amo niya ang naghatid kay Kate sa school. At hanggang ngayon hindi pa rin umuuwi ang dalawa.
“Pinasyalan nila si Rena,” sagot ng binata. Bahagya siyang sinulyapan nito. “Secretary ’yon ni Boss Bryan. Nag-break kasi sila nang kanyang boyfriend, nag-aaalala si boss. Naroon nga sila Jake at Steven, pinababantayan ni boss, baka raw ma
