INILAPAT ko ang telepono sa aking tainga habang nakatanaw sa bintana ng kwartong tinutuluyan ko rito sa mansyon.
Nakapantulog na ako kahit na medyo maaga pa naman. Wala akong masiyadong ginawa ngayong araw dahil pakiramdam ko ay napagod ako buong araw kahapon dahil sa nangyari sa una kong meeting kasama ang board members ng aming hotel. Dumagdag pa ang Camila na iyon! Kaya naman pinili ko na mag-rest day ngayong araw at maglagi lang dito sa mansyon.
Hinatid nga ako ni Reigan galing sa talyer patungo rito kahapon. Buong gabi tuloy pagtapos niyon ay hindi na naman ako makatulog sa pag-iisip sa kaniyang mga sinabi.
Bumuntonghininga na lamang ako at noong sa wakas ay may sumagot na sa kabilang linya, nagsalita na ako.
“Hello, Attorney?”
“Good evening, Miss Everleigh. You called?” pag
