Kinaumagahan ay nagpunta ako sa Alta Rejos Hotel. Maaga pa lang ay nakagayak na ako. Hindi ko nga alam kung paano ko pa nagawang makatulog gayong tila hindi tumigil ang utak ko sa pag-iisip kahit nakahiga na ako sa kama kagabi at matutulog na.
“This is going to be your office for now, Miss Leigh,” sabi ng secretary.
Nilibot ko ang tingin sa buong kwartong pinasukan namin. Maayos na maayos ang suot ko ngayon. Ang formal trousers ay pinaresan ko ng isang formal top na kulay cream. With my high heels and my Chanel bag.
Pinadaan ko ang daliri ko sa ibabaw ng isang cabinet. Nang iangat ko iyon at makitang may alikabok ay bumuntonghininga ako.
“Send some cleaners,” pahayag ko at naupo na sa swivel chair. Agad namang tumango ang secretary.
“Masusunod, Miss Leigh.”
Umismid ako, halos
