“Tuloy kayo. I’m glad to meet you again!”
“Salamat, Senyorita Leigh, ah? May bago na naman kaming raket nito... pera din ‘to,” natatawang sagot ni Sanders na siniko ng mga kasama. Pinagtanghalian ko na muna sila bago nila sinimulan ang trabaho.
“Huwag mo namang ipahalata na kailangang-kailangan natin ng pera, Sanders.”
Pati ako ay natatawa sa kanilang biruan.
“Kumusta nga pala ang sasakyan mo? Inihatid iyon ni Reigan dito, hindi ba?” tanong ng isa pang si Drix. Mga bata pa sila kung tutuusin, lalo na si Sanders na hindi nalalayo ang edad sa ‘kin. Siguro mga kaedad lang din nila ang mga magpipinsang De Alba.
Tumango ako. “Oo. Mabuti nga, eh. May pasok kasi ako kahapon.”
“Sa eskwela?” tanong ni Sanders.
“Sa trabaho,” sagot ko na ikinagulat nila.
“Trabaho? Wow! Ang astig mo n
