NANG makauwi ay sa kanyang kwarto na dumiretso si Mia. Parang ngayon lang niya naramdaman ang pagod. Pero sa kabila noon ay wala siyang makapa sa dibdib niya na pagsisisi dahil masayang kasama si Erik.
Kinikilig na napangiti si Mia saka tinitigan ang mataas na build in cabinet ng kaniyang kwarto. Mula sa pagkakaupo sa gilid ng kaniyang kama ay noon tumayo ang dalaga saka iyon nilapitan at binuksan.
Sa loob ay nakasabit ang isang pamilyar at napakagandang dress na nagkaroon ng isang magandang alaala sa kaniyang kabataan. Kinuha niya iyon saka inalis sa loob ng garment bag.
Banayad niyang hinaplos iyon. Kasabay ng maraming katanungan na ngayon ay naglalaro na sa kaniyang isipan.
Na paano kaya kung hindi siya sumama kay Bernie?
Na paano kung hindi siya naniwala sa matatamis nitong sali
