“SA totoo lang ‘tol may point si Ma’am doon sa sinabi niya kanina, bagay kayo ni Mia,” si Roy iyon.
Recess at katulad ng dati ay nasa ilalim sila ng isang malagong puno ng habang kumakain ng banana cue.
“Ako na naman ang nakita ninyo,” angal niyang umiling ng magkakasunod saka inubos ang saging pagkatapos ay ang buko juice na nasa supot ng yelo na may straw.
“Ano bang inaayawan mo kay Mia? Eh ang ganda-ganda ng babaeng iyon, lahat nalang yata ng gusto ng isang lalaki nasa kanya na,” si William naman na siniko pa siya.
Hindi kumibo si Erik at nagbuntong hininga nalang.
Hindi sa hindi niya gusto si Mia. Ang totoo nagagandahan siya rito at gusto niya itong maging kaibigan. Pero ang puso niya, matagal nang tumitibok para sa iba. At iyon ay kay Keira, ang bestfriend at kababata niya na hi
