TATLONG araw nang iniiwasan ni Zia si Lucian.
Ang kapal lang ng mukha ng lalaking 'yon! Pagkatapos na tratuhin sila na tila hindi kakilala nang gabing iyon ay may lakas pa ito ng loob na sunduin siya kinalunesan.
Subconsiously, ayaw man niya, ay ine-expect niya pa rin ito na dumating pagsapit ng lunes ng umaga.
Nang sumapit na ang oras ng pagsundo nito sa kanya ay ang kasambahay nilang si Ate Yolly ang pinalabas niya at pinasabi niya na maaga siyang umalis dahil may kailangan pa siyang asikasuhin bago ang umpisa ng kanyang unang klase.
Ngunit ang totoo, ay naroon lamang siya sa likod ng kanila pintuan at pasilip-silip kung nakaalis na ba ito. Nagpalipas pa muna siya ng labing-limang minuto bago lumabas sa pinagtataguan niya. Ipinatawag niya si Mang Baloy at pinakuha ang sasakyan na ipi
