HINDI pa man bumubukas ang pintuan ng kanyang opisina ay naramdaman na ni Lucian ang presensya ni Lucero na papalapit. Kaya't hindi na siya nagulat nang bumukas iyon at iluwa ang kapatid niya.
Siguro nga, dahil triplets sila ay mayroon silang kakaibang koneksyon sa isa't-isa. Mula pa lamang pagkabata, hindi pa man sila nagtatagpo na tatlo, paminsan-minsan ay nararamdaman na nila ang koneksyong iyon. Malabo nga lamang sa kanyang isipan sapagkat hindi naman niya pa alam nang mga panahon na iyon na nag-e-exist pala ang mga kapatid niya.
Kahit pa naramdaman niya na ang pagpasok ni Lucero at pag-upo nito sa visitor's chair sa harapan niya ay hindi pa rin siya nagtaas ng tingin dito.
Bilang nasa mundo ng mga tao rin lang silang magkakapatid, ay ipinasya nilang personal na munang pangasiwaan a
