ILANG saglit na hindi nakahuma si Zia matapos na masaksihan ang literal na pag-aapoy ng mga mata ni Lucian. Hindi niya maipaliwanag, pero kitang-kita niya.
Kitang-kita niya kung papaanong ang kulay itim na itim na mga mata nito, sa isang iglap ay naging pula. Literal na naglalagablab ang mga mata nito.
Bakas ba bakas sa anyo ni Zia ang pagkamangha at sindak sa nasaksihan.
Nang marinig niya ang pag-ungol ni Kier dulot ng kakulangan na ng hangin, dahil sa mahigpit na pagsakal ni Lucian dito ay saka pa lamang tila natauhan si Zia.
Nang panumbalikan siya ng kaisipan ay nakita niyang nakadukwang pa rin si Lucian sa kanyang nobyo. Malapit na malapit ang mukha nito kay Kier, habang mahigpit pa ring nakasakal sa leeg nito. Halos bumaon na ang mga daliri nito sa leeg ni Kier.
Halos maglabasan
