"LUCIAN, stop!"
Sigaw ni Zia, kasabay ng pagbalikwas nito ng bangon. Bahagya pa siyang nangiwi nang maramdaman ang bahagyang sakit na dulot ng pagpigil ng suot niyang seatbelt sa dibdib niya.
"Babe?" Kunot ang noo, at nagtatakang baling sa kanya ni Kier.
Mulagat ang mga matang tumingin din siya rito, bago lumingon sa upuan sa likod ng sasakyan.
Bakante iyon.
Hindi pa siya nasiyahan, inalis niya ang suot na seatbelt at dumukwang sa likuran upang makasigurong wala ngang ibang tao roon.
"Babe, are you okay? What is it?" Muling tanong sa kanya ni Kier nang bumalik siya sa pagkakaupo.
Muli niyang ikinabit ang seatbelt niya at tila nahahapong isinadal ang likod sa backrest ng upuan.
"Gaano katagal akong naka-idlip?" Mahinang tanong niya sa nobyo.
"Hmm... I think, mga thirty minutes." An
