"UWHAAARRKKK..."
Iyong pakiramdam na nakasakay ka sa roller coaster at walang awang pinapaikot-ikot hanggang sa hilingin mo na lang na mawalan ka ng malay ay ramdam na ramdam ni Zia nang mga oras na iyon.
Dala ng inis niya kanina kay Lucian ay hindi niya namamalayan na napaparami na pala siya ng inom. Sa tuwing mababasyo ang hawak niyang baso ay itutuktok niya iyon sa bar counter at naghahamong titingnan si Lucian.
Noong una ay pinaniningkitan pa siya nito ng mga mata at ilang segundong makikipag-hamunan ng tingin sa kanya, bago tatango sa bartender para lagyan iyon.
Hanggang sa bandang huli, ay tila sumuko na ito, at magbigay na ng go signal sa bartender na ibigay ang lahat ng kanyang hingiin.
Hindi naman umalis sa kanyang tabi ang binata. Naroon lamang ito at nakaalalay sa kanya. Si
