"COME ON, Lucian, saway na tayo..." Parang batang pamimilit ni Zia kay Lucian, kasabay ng pagtagtag sa braso ng binata.
Binigyan lamang siya nito ng maliit na ngiti bago marahang umiling-iling. Dinala sa bibig ang hawak na kopita at sinimsim ang laman niyon.
"Lucian..." kulit pa rin niya.
"Baby, I told you... I don't dance." Maya-maya ay sabi nito, sa malambing namang paraan.
Tila batang ipinadyak ni Zia ang isang paa at humalukipkip bago humarap sa dance floor.
Naroon na rin si Mildred na hindi niya na matanaw sa dami ng mga nagsasayaw.
Kanina niya pa pinipilit si Lucian na pumunta sa dance floor at magsayaw, ayaw naman nito. Bakit pa kaya ito sumama, kung ayaw naman pala nito magsayaw?
Iinom na lang ito hanggang mamaya?
Kanina ay sandali niya itong iniwan upang pumunta sa dance f
