KAHIT PA nga hindi naman iyon ang unang beses na nakapasok si Zia sa Lucifer Condominium ay hindi pa rin maampat ang pagkamangha niya sa karangyaang nakikita sa lugar.
Pakiramdam niya ay lalong umiikot ang paningin niya, sa tila pagkinang ng kanyang paligid. Animo napapaligiran siya ng ginto, sapagkat iyon ang kulay na nagdo-domina sa buong lugar, saan ka man tumingin. At hindi lang basta kulay ginto... sa tingin niya pa, ay kumikinang ang mga iyon, kung iyong tititigan.
Hanggang sa mga oras na iyon ay hindi pa rin siya makapaniwala na maaaring magkaroon ng ganoon kagandang lugar sa tunay na buhay. Akala niya ay sa fairytale lamang ito maaaring mag-exist.
Katulad ng una niyang pagpunta rito, ay sa private elevator sila sumakay ni Lucian.
Ngunit kung noong una, ay sa main entrance sila
