"PERO... masasaktan si Marie kung gagawin ko ang nais ko, Eula."
"Gano'n, so paano ka?" sarkastikong tanong nito sa kanya.
Kumuha siya ng tissue at pinunasan ang mga luha mula sa kanyang mga mata. Ayaw niyang maabutan siya ni Cleir na may luha sa mga mata.
"Sinabi ko na sa'yo, kaya kong tiisin lahat. Makikipag-usap ako sa asawa ko."
Pansin niya ang tila gigil at pag-igting ng mga panga ng kanyang kaibigan. Alam niyang concern lang sa kanya si Eula at labis siyang na touch dito. Pero in the end, desisyon niya pa rin naman ang masusunod. Hindi ang desisyon nito. Ang bukod-tangi lang nitong gawin ay ang suportahan siya.
Naputol ang kanilang pag-uusap nang may kumatok sa pinto ng kanyang opisina. "Come in."
Bumukas ang pinto at iniluwa roon si Cleir. "Narito ka po pala, Ma'am Eula. Gus
