PARANG dinudurog ang kanyang puso sa ilang litrato na nasa kanyang harapan. Hindi ba't si Kervy ito at Elsie?
Naramdaman niya ang mahigpit na yakap ni Cleir. "Ma'am, mag-usap po muna kayo ni Mr. Del Mundo," saad ni Cleir sa kanya.
"Sa tingin mo may gana pa akong makipag-usap sa asawa ko gayong narito na ang ilang mga ebedinsya? No, Cleir, iiwan ko na siya!" Galit niyang tugon.
Napansin niya ang paghugot ni Cleir ng isang malalim na buntong-hininga. Para bang may nais itong sabihin sa kanya na pilit nitong pinipigilan. Pasimpleng sumulyap pa ito sa CCTV na nasa kanyang opisina, nagbigay tuloy iyon ng palaisipan sa kanya.
"Ma'am, iyon lang po ang maipapayo ko sa iyo," tugon pa ni Cleir sa kanya.
Inis na pinalis niya ang kanyang mga luha. Ewan ba niya pero sinagad na ni Kervy ang kan
