"ANG sweet po talaga ni Mr. Del Mundo, Ma'am. Pasensiya na po pero kinikilig po talaga ako sa inyo," turan ng kawaksi sa kanya na halatang kinikilig nga.
"Salamat, Manang," malungkot niyang sagot dito.
"Bakit parang ang lungkot niyo naman yata, Ma'am? Dapat nakangiti kayo," nakangiting turan nito sa kanya.
Sumilay ang tipid na ngiti sa kanyang mga labi na alam niyang hindi umabot sa kanyang mga mata.
Sa mata ng ibang tao perfect couple sila, pero ang katotohanan ay hindi. Ginawa lang naman nila ang lahat mabigyan lang ng perpektong pamilya ang anak niyang si Marie.
"May naisip lang ako, sige na, bumalik ka na sa trabaho mo."
Nakangiting nagpaalam sa kanya ang kawaksi. Nasundan na lamang niya ito ng tingin. Napasulyap siya sa relong-pambisig. Ilang oras na lang ay darating na ang k
