PIGIL niya ang sariling hininga. Dahan-dahang nilingon niya ang asawa.
"Let's talk," ani Kervy sa kanya.
Tila para namang kinikiliti sa kilig ang kanyang marupok na puso sa mga sandaling iyon, pero nanatili pa rin sa kanyang awra ang seryosong mukha. Iyon lang ang kaya niyang gawin para pagtakpan ang matinding kilig na nadarama.
Hinarap niya ang asawa at sinalubong ang seryoso nitong mga titig. Kahit kailan ay napakalakas pa rin ng dating nito sa kanya.
"Ang kapal din naman ng mukha mong sabihin sa akin na lalaki ka lang tapos may pangangailangan din? Hindi ba't may kabit ka? Bakit hindi ang lìntik na kabit mong 'yon ang sipingan mo?" inis niyang sagot.
Sinikap niyang maging kalmado pero mas lalong umalpas ang inis niya at galit lalo na sa tuwing naalala ang sinabi ni Eula sa kany
