Nakarating na kami sa Elysian Island. Medyo malayo ang byahe pero sulit na sulit naman.
Hanggang ngayon ay hindi ko maiwasan ang humanga sa ganitong lugar. Gustong-gusto kong tumira sa mapayapa at magagandang lugar. Para akong makapagre-relax lagi kung dito kami nakatira.
Napansin ko na nakatingin na sa akin si Rinniel. Agad siyang nag-iwas ng tingin nang lumingon ako sa kaniya. Nahiya tuloy ako kasi baka napangitan siya sa akin, lalo na at minsan ay napapanganga ako sa pagkamangha.
"Ang ganda naman pala ng lugar na pinili ninyo para sa photoshoot. Sulit na sulit ang byahe rito. Parang ang sarap na ngang tumira sa Elysian Island," pagsimula ko ng topic.
"Ako ang nag-request kay Charlie na itong Island na lang ang gawin background at tiyak na hindi siya magsisisi. Mayroon na kasing iban
