Anong pinagsasabi niyang kababata namin siya? Childhood friend ba talaga namin ang isang ganyang kasikat na artista? Pinagbibiro niya ba ako?
May mga sabaw moments talaga ang mga tao. Hindi ko akalain na pati ako ay mapagkakamalan niyang kakilala niya. Ang pinaka-weird pa nito ay binanggit niya ang aking pangalan.
"Siguro ay napagkamalan ninyo lang po ako," saad ko sa kanya.
"Paano ako magkakamali kung alam ko ang buong pangalan mo, Chanel Morissette Keymer? Ako ang tumatawag pa nga sa iyo sa pangalang Cha-Cha," wika niya.
Nanlaki ang aking mga mata. Kaya Cha-Cha ang inilagay kong pangalan sa social media ay dahil sa kalaro namin noong bata pa kami. Wala akong ibang maisip kaya iyoj ang ginamit ko.
Sinuri kong mabuti ang kanyang itsura. Napatigil ang tingin ko sa kanyang katawan. Pagt
