Nagpaiwan na si Denillo rito. Totoo nga na mayroon silang property sa malapit at may mga gamit siya roon. Hindi na siya mahihirapan at mamomroblema sa kanyang mga susuotin.
Binigyan namin ng oras para makapag-usap sila ni Charlie. Sila talaga ang matalik na magkaibigan noon. Sadyang napalapit lang din ako gawa ng kapatid ko.
"Wow, Mori--- este Chanel! Akalain mo na kaibigan ninyo pala si Denillo? Grabe ang achievements ng lalaking iyan, nakalululang tingnan," saad ni Zenaia.
Totoo nga na maraming achievements si Denillo. Alam ko ay nagiging co-director na rin siya sa mga palabas nila. Kung titingnan ang achievements nila ni Rinniel, mas lamang talaga siya. Hindi kasi masyadong nagbibigay ng impormasyon si Rinniel sa social media.
Ito na naman ako, iniisip si Rinniel. Bakit ba kasi s
