Pinapanood ko ang kaibigan at kapatid ko kung paano sila magtampisaw sa dagat. Napakasaya nilang panoorin, pero ang puso ko ay nagdurusa pa rin sa pagmamahal na ako lang ang nagpumilit noon.
Walang lumipas na araw na hindi ko naiisip ang ginawa sa akin ni Rinniel. Bakit hindi man lang niya ako kinausap para magpaliwanag sa akin? Para naman kahit papaano ay may closure kami. Sinabi niya pa na mahal niya ako noong huli naming kita, hindi naman pala totoo.
"Chanel, tara!" yakag ni Zenaia sa akin. "Kanina ka pa riyan nakahiga sa beach bench. Paano ka makaka-move on niyan?"
Napairap ako at nagawa niya pang magbiro. Tumawa na lang din ako para hindi mukhang nag-e-emote dito. Hinayaan ko na lang sila na mag-enjoy at ayokong masira ang bakasyon nila. Minsan na nga lang payagan ang kapatid ko s
