Napanganga ako sa laki ng transient house nila Denillo. Totoo ngang mala-resort na ang dating nito. Tanaw ko na rin ang beach sa hindi kalayuan. Totoo ngang front beach nakapwesto ang kanyang bahay. Magkano kaya ang nagastos niya rito?
Mansion na mansion ang datingan sa bongga nito. Malaki talaga siya kumpara sa tinigilan naming semi-private resort kanina. Magkakahiwalay kasi ang building noon kaya mukhang maliit.
"Grabe naman sa ganda niyan!" puri ni Zenaia. "Sa iyo talaga iyan nakapangalan? I mean, ikaw ang nagpagawa niyan o sa family mo? Hindi ko alam na halos kapitbahay ka lang namin dito."
"Yes, under sa pangalan ko ang property na ito. Pangarap ko talaga ang magkaroon ng bahay na paglabas ko ay tanaw agad ang dagat. Nakare-relax siyang panoorin kaya talagang pinag-ipunan ko. Dugo'
