TYPHUS:
PANAY ang buga ko ng hangin habang nakalilim sa malaking puno ng mangga dito sa sakahan ng mais.
Pawis na pawis ako at hinihingal na rin. Pasado alas-onse na rin kasi ng tanghali. Pagod na ako pero marami pa akong gagawin. Naiiling na lamang ako kung paanong napunta ang isang tanyag na bilyonaryong katulad ko na ngayo'y isang magsasaka dito sa probinsya.
"Typhus, anak, kumain ka na," ani Mama na ikinalingon ko.
Napangiti akong tumayo at nagpagpag ng putik-putik kong pantalon. Nakangiti ang mga ito na may dalang basket ng tanghalian kasama si Eivon.
"Namumula ka na, Kuya. Okay ka lang ba?" nag-aalalang tanong ni Eivon na akay-akay si Mama.
"Okay lang ako. Mainit lang kasi," sagot ko na sinalubong ang mga ito at inabot ang dala nitong basket.
Napahinga pa ang mga ito ng mala
