MILES
"Hindi. Hindi naging tayo."
Nakita ko ang pagkagulat sa mga mukha ng mga kaibigan namin, pero hindi ko iyon pinansin.
Ilang sandali ring nakatitig lang sa akin si Nate bago nagsalita. "Gano'n ba?"
His voice was as cold as an ice. Parang may nabasa rin akong dumaang emosyon sa mga mata niya, pero saglit lang iyon hanggang sa maging blangko na ang ekspresyon sa mukha niya.
Ipinilig ko ang ulo ko at iwinaksi ang kung anumang naiisip ko. Imposibleng sakit at panghihinayang ang nabasa ko sa mga mata niya. He couldn't remember anything.
"Bakit hindi naging tayo?" narinig kong tanong niya dahilan para bahagya akong matigilan.
Binalingan ko ang mga kaibigan namin. At iisa lang ang sinasabi ng mga tingin nila sa 'kin: 'Bahala kang magpaliwanag kay Nate.' Para bang
