Alwena
"Parang ang layo naman 'yata ng mukha ng anak mo kay Chloe para sabihin mong anak niya 'yan," nadinig naming sabi ni Yesha kay Ligaya nang makalabas kami ng hallway at muling lumapit sa kanila.
Napakunot naman ang noo ko sa tinuran niyang 'yon. Hindi ba't kinasabwat niya ang babaeng 'yan para magpanggap?
Huminto kami sa kanilang harapan. Napansin ko ang mariing pagtitig ni Chloe kay Ligaya. Napayuko naman si Ligaya at tila nailang. Niyakap niya ang anak niyang nakaupo din sa kanyang tabi.
"A'right. Let's just say you were that woman that night. How can you be so sure I'm the father of your child?"
Napalingon ako kay Chloe sa tanong niyang 'yon. Ang ibig bang sabihin ay naniniwala siyang si Ligaya nga ang babae sa bachelor's party?
"P'wede mo namang ipa-DNA test ang anak ko par
