INILAPAG ko ang tasa ng kape sa mesa ni Orion. Nag-angat siya ng mukha at tiningnan ako. Sinubukan kong ngumiti. Hindi siya tumugon. Sa halip ay marahan siyang nagbuga ng hangin at hinawakan ako sa kamay. Natigilan ako.
"Come here," aniya at maingat akong hinila paupo sa kandungan niya.
Hindi na ako nag-alinlangan pa. Yumakap agad ako kay Orion nang mahigpit. Parang minamartilyo ang puso ko.
"I'm sorry," wika ko. "Sorry talaga, Orion. Ayaw kong magalit ka. Hindi ko kaya. Sorry na." Paulit-ulit ang paghingi ko ng tawad.
Niyakap niya rin ako. "It's alright, my love." Hinaplos niya ako sa likod at hinalikan sa pisngi. Pagkatapos ay hinawakan niya ako sa baba at pinatingin sa kaniyang mga mata. "Bati na tayo?"
"Hindi ka na ba galit?" naniniguradong tanong ko. Umiling siya at hinalikan
