NANG SUMUNOD na araw ay nasurpresa si Count nang hindi maabutan ang babae sa hapag-kainan. Himala iyon dahil mas nauuna pa itong magising sa kaniya. “Good morning,” bati niya sa mga kasambahay na binati siya pabalik. Tulad ng dati ay may nakahain ng pagkain sa lamesa. Napangiti siya at sinimulan nang magsandok. “Bumaba na po ba siya?” tanong niya nang ipagsalin siya ng juice sa baso ng isang kasambahay.
“Si Lady O po?” Maari kasing si Winona ang kaniyang tinutukoy kaya naman sinigurado ng kasambahay.
Tumango siya.
“Kanina pa po, maagang umalis. Sinundo ni Sir Gino.”
“Gino again...” Napangiwi ang kaniyang mga labi. Ibinaling niya na lamang ang atensyon sa kaniyang pagkain. Naisip niya kung saan nagpunta ang mga ito at hindi siya sinama. Sandali nga lamang, bakit naman kailangan kasam
