LUC
Luc sighed. Inip na tumayo siya at pinagkrus ang dalawang braso sa dibdib. Nagpalakad-lakad ang dalaga sa tapat ng kinauupuan, pabalik-balik. Ilang beses na niyang tinanong si Maita kung ano’ng oras na. At sa tuwing sasagot ang babae ay lihim siyang maiirita sa bagal ng oras.
“Ma’am,” tawag ni Maita sa atensyon ni Luc.
“Yes?” aniya pero ang totoo ay hati ang atensyon ng dalaga.
Hindi siya mapakali. Para bang ang dami niyang excess energy sa katawan at hindi niya alam kung paano gagamitin ‘yon. Wala naman kasi siyang ginagawa.
“Gusto n’yo ho bang bumaba?”
Nasa roof top sila ngayong hapon. Base sa pagtatanong niya kay Maita, pasado alas kuwatro pa lang. Hindi pa rin nakakauwi si Jiro mula sa lakad nito. Simula noong araw na isama siya ng lalaki sa pamamasada nito, sunod-sunod na
